كانت بنت صغيرة… في إيدها وردة وقفت قدامي وقالت: “إنتي طنط اللي بتحكي حكايات؟” اتلخبطت… قلت: “أنا؟” قالت: “ماما قالتلي إن في هنا ست بتحكي حكايات حلوة… وأنا عايزة أسمع” بصيت لورا… لقيت أمها واقفة… بتبتسم باعتذار في اللحظة دي… حاجة جوايا اتحركت حكيت لها حكيت حكاية بسيطة… عن وردة كانت فاكرة إنها دبلت… وبعدين اكتشفت إنها لسه بتطلع براعم جديدة البنت ضحكت… وقالت: “يعني ممكن نبدأ من تاني؟” ابتسمت… وقلت: “آه… دايمًا” من اليوم ده… بقيت بحكي
كل يوم… لحد من الأطفال اللي بييجوا مع أهاليهم… أو حتى للكبار في الدار الحكايات بقت طريقتي أفهم… وأعالج… وأعيش وبعد شهور… ابتدى اسمي يتقال بره الدار… ناس بتيجي مخصوص تسمع… ست كبيرة بتحكي حكايات من قلبها… من وجعها… من حياتها وفي يوم… جالي عرض صغير… أروح أحكي في مركز ثقافي خفت في الأول… بس وافقت وقفت على المسرح… وإيدي بتترعش… بس قلبي كان ثابت وبدأت “كنت فاكرة إن ولادي بيحبوني بجد…” والناس سكتت سمعت
اتأثرت وبكت وفي نهاية اليوم… واحدة ست جت حــ,,ـــــضنتني وقالت: “إنتي فكرتيني بنفسي… بس إنتي أقوى” ضحكت جوايا… أنا؟ أقوى؟ يمكن مش علشان ما اتكسرتش… لكن علشان اتكسرت… وقمت عدت سنة وفي يوم عادي… كنت قاعدة في الدار… بحكي… لقيت حد واقف على الباب بصيت وكانوا هما ولادي واقفِين… مترددين… وشوشهم متغيرة… كأن الزمن عدى عليهم سنين مش شهور قلبي دق مش حب… مش اشتياق حاجة تانية هدوء وقفوا قدامي… ومحدش فيهم عارف يبدأ لحد ما الكبير فيهم قال: “إحنا… غلطنا”
سكت “كنا فاكرين إننا بنعمل الصح… إننا بنأمن مستقبلك… بس…” صوته اتكسر “بس نسينا إنك مش فلوس… ولا بيت… إنتي أم” دمعة نزلت من عينه زمان… كنت هقع من كتر التأثر كنت هحــ,,ـــــضنهم فورًا كنت هسامح من غير ما أفكر بس دلوقتي… أنا اتغيرت بصيت لهم… وقلت بهدوء: “أنا فعلاً أم… بس أنا كمان إنسانة” سكتوا “والإنسانة دي… اتوجعت” قعدوا سمعوا وأنا حكيت مش علشان ألومهم لكن علشان يفهموا وفي النهاية… قلت: “التسامح مش كلمة… ولا لحظة… ده طريق”
بصوا لبعض وقالوا: “إحنا مستعدين نمشيه” ابتسمت مش وعدتهم بحاجة بس لأول مرة… حطيت حدود عدت أيام… وابتدوا ييجوا… مش كل يوم… بس بيحاولوا وأنا… ما رجعتش زي الأول لكن فتحت باب مش علشانهم بس علشاني علشان ما أفضلش عايشة في وجع قديم البيت؟ اتباع الذكريات؟ فضلت جوايا والحياة؟ ابتدت من جديد بطريقة ما كنتش أتخيلها أنا… اللي كنت فاكرة إن كل حاجة انتهت… اكتشفت إن النهاية… كانت بداية حكـايات أسمـا السيـد
