خلفت بنتي بعد عذاب سنين وللاسف مجاتش غير من ام بديله لكن امي اول ما حت تزورني صرخت وقالت: ارمي البت دي يا بسنت.. انتي مينفعش تربيها..
بعد سنين من الإجهاضات المتكررة، كنت تقريبًا فقدت الأمل إني أبقى أم.
تحاليل كتير، دكاترة، أدوية… ولا حاجة كانت بتنجح.
في الآخر، جوزي كريم اقترح موضوع الأم البديلة. قعدنا نفكر فيه كتير، ونتكلم وندرس كل حاجة، لحد ما أخدنا القرار.
كل حاجة كانت ماشية بشكل قانوني ومنظم. محامين من الطرفين حضروا توقيع العقود.
فترة الحمل عدت بهدوء… وكأن ربنا أخيرًا قرر يعوضني.
أول مرة سمعنا نبض قلب البيبي في السونار، أنا وكريم عيطنا من الفرحة.
وبعد تسع شهور… بنتنا اتولدت.
سميناها ليان.
أول ما شيلتها بين إيديا… حسيت إني أخيرًا بقيت كاملة… إن حلمي اللي استنيته سنين اتحقق…
تاني يوم، أمي جت المستشفى علشان تباركلنا.
دخلت وهي مبتسمة… ووشها كله فرحة.
لكن أول ما بصت على ليان… وهي نايمة في السرير الصغير…
اتجمدت مكانها.
فضلت باصة لها فترة طويلة… بطريقة غريبة.
وشها شحب فجأة… وإيديها بدأت تترعش.
وبصوت مهزوز قالت: بسنت إنتي مينفعش تربي البنت دي!
قلبي وقع في رجلي
أمي طول عمرها طيبة… وكانت واقفة جنبي في كل خطوة… وكانت مستنية حفيدتها دي أكتر مني.
الكلام ده مش شبهها خالص.
بصيت لها وأنا مش فاهمة، وقلت: ماما؟ إزاي تقولي كده؟!
رفعت عينيها ناحيتي… وقالت بصوت مليان خوف:
بصي لها كويس… ركزي في ملامحها… لازم تسيبي الطفلة دي… وأنا هقولك الحقيقة كلها… بس اقعدي الأول.”
في اللحظة دي… حسيت إن صدري بيضيق… وكأن الهوا بيختفي من حواليا.
قعدت قدامها… وأنا مش مستعدة أسمع اللي جاي.
لكن اللي قالته بعدها…
كان كفيل يهد كل حاجة كنت مصدقاها….
ادعوا لنفسكم ولي كمثل..
رب اوزعني ان اشكر نعمتك التي انعمت علي وعلي والدي وان اعمل صالحا ترضاه وأصلح لي في ذريتي اني تبت إليك واني من المسلمين
لايـك وسيبلـي كومنـت وهـرد عليـكم باللينـك – حكـايات أسمـا السيـد@أبرز المعجبين
حكـايات أسمـا السيـد
بصيت لأمي وأنا قلبي بيخبط بعنف كأن كل نبضة بتخبط في صدري علشان تفوقني من حلم جميل كان لسه متولد من ساعات لكن ملامحها كانت حقيقية جدًا والخوف اللي في عينيها عمره ما كان تمثيل ولا مبالغة إيدي كانت لسه حاضنة ليان كأنها آخر حاجة ممكن أتمسك بيها في الدنيا وقلت لها بصوت مهزوز ماما انتي بتخوفيني قولي في إيه
أمي سكتت لحظة وبصت حواليها كأنها بتتأكد إن محدش سامعنا وبعدين قربت مني وقالت بصوت واطي بس مليان رعب الطفلة دي مش غريبة عليا أنا شفتها قبل كده
اتسمرت في مكاني قبل كده إزاي يعني دي لسه مولودة امبارح
هزت راسها ببطء وقالت لا مش هي نفسها بس نفس الملامح نفس العيون نفس العلامة اللي في إيدها
بصيت بسرعة على إيد ليان الصغيرة وفعلاً كان فيها علامة خفيفة زي شامة مميزة جنب الإبهام حاجة كنت شايفاها لطيفة ومميزة لكن فجأة بقت تقيلة على قلبي كأنها دليل على حاجة أكبر مني
قلت لأمي بعصبية يعني إيه يا ماما
عايزة تقولي إن دي مش بنتي
ردت بسرعة لا أنا مش بقول كده بس بقول إن في حاجة غلط حاجة كبيرة وأنا لازم أحكي لك كل حاجة قبل ما تتعلقي بيها أكتر
جملة قبل ما تتعلقي بيها أكتر كسرتني من جوايا أكتر من أي حاجة تانية حضنت ليان بقوة وقلت دي بنتي يا ماما أنا استنيتها سنين
أمي غمضت عينيها لحظة وكأنها بتجمع شجاعة مش موجودة وبعدين قالت من حوالي عشرين سنة كان في واحدة في منطقتنا حصل لها حاجة غريبة جدًا بنتها اتخطفت وهي لسه رضيعة
ابتسمت بسخرية رغم خوفي يعني إيه دخل ده ببنتي
لكن أمي كملت وكأنها مش سامعاني قالوا وقتها إن الطفلة كانت مميزة بعلامة في إيدها نفس العلامة دي والست فضلت تدور عليها سنين لحد ما اتجننت وماتت وهي بتقول إن بنتها لسه عايشة
الدم جمد في عروقي بس حاولت أتمسك بالعقل وقلت يا ماما ده كلام قديم وإشاعات ودي بنتي جاية من أم بديلة وكل حاجة قانوني
